قرقش عبارة عن متجر إلكتروني يوفر بيئة للتجار المحليين في دولة قطر. شنو الهدف من قرقش؟ قرقش.كوم موقع إلكتروني يجمع التجار المحليين في قطر ويسهل الوصول لهم. الهدف من قرقش هو تسهيل التجارة للتجار المحليين اللي يشتغلون من البيت وفي نفس الوقت زيادة عدد الناس اللي يقدرون يوصلون لهم لأن قرقش يغطي دولة قطر كلها. احنا نفهم اهمية الوقت بالنسبة لكم، ولهالسبب صنعنا قرقش عشان نوفر وقتكم. بدل ماتقعدون ساعات طويلة تدورون على المنتجات اللي تنباع عن طريق التجار الالكترونيين في قطر على وسايل التواصل الاجتماعي، أو تحاولون تسئلون ربعكم أو الأهل لو يعرفون تاجر يوفر لكم اللي تبونه، احنا نوفر لكم الخيار إنه بكل بساطة تكتبون إسم المنتج اللي ودكم فيه و لسته التجار اللي يوفرون هالمنتج راح تطلع لكم. غير هذا كله! مواصفات المنتج كلها راح تكون موجودة عندكم وإذا فيه تعليقات من ناس اشتروه قبل راح تشوفونها. راحتكم هي أهم شيء بالنسبة لنا، عشان جيه صممنا هالموقع لكم عشان نوفر لكم التجربة الممتازة اللي تستاهلونها.
